ការភ័យព្រួយអំពីការបាត់មុខភរិយារបស់លោក គឹម ជុងអ៊ុន

មានការភ័យខ្លាចចំពោះលោកស្រី រី ស៊ូលជូ ភរិយារបស់លោក គឹម ជុងអ៊ុន មេដឹកនាំកូរ៉េខាងជើង បន្ទាប់ពីលោកស្រីមិនបានបង្ហាញមុខជាសាធារណៈអស់រយៈពេល៧ខែកន្លងមកនេះ។ លោក គឹម ជុងអ៊ុន មេដឹកនាំកូរ៉េខាងជើងមិនបោសសម្អាតសមាជិកគ្រួសាររបស់លោកទេ បន្ទាប់ពីបានប្រហារជីវិតលោក ចាង ស៊ុងតាក មន្ត្រីលំដាប់ថ្នាក់លេខ២ និងជាពូប្រសាររបស់លោក គឹម ជុងអ៊ុន នៅក្នុងឆ្នាំ២០១៣។ភរិយារបស់លោក គឹម ជុងអ៊ុន មិនបានឃើញជាសាធារណៈអស់រយៈពេល៧ខែ ដោយសង្ស័យថាលោកស្រីមានផ្ទៃពោះ ឬ មានជម្លោះ។
ក្រុមអ្នកជំនាញត្រួតពិនិត្យមើលស្ថានភាពនៅក្នុងទីក្រុងព្យុងយ៉ាង បានសន្និដ្ឋានថាលោកស្រី រី ស៊ូលជូ ដែលត្រូវបានតែងតាំងជាស្រ្តីទីមួយនៅក្នុងឆ្នាំ២០១២ អាចមានជម្លោះជាមួយលោកស្រី គឹម យូជុង ប្អូនស្រីរបស់លោក គឹម ជុងអ៊ុន ដែលត្រូវបានចាត់ទុកថាជាអ្នកមានអំណាចនៅពីក្រោយតំណែងប្រធានាធិបតីរបស់លោក គឹម ជុងអ៊ុន។
សាស្ត្រាចារ្យជប៉ុន បាននិយាយថាមានហេតុផលជាច្រើន ដូចជាមានផ្ទៃពោះ ជម្លោះរវាងប្តីប្រពន្ធ និងរបាយការណ៍អំពីអស្ថេរភាពនៅក្នុងទីក្រុងព្យុងយ៉ាង ការប៉ុនប៉ងវាយប្រហារជាច្រើនលើក រួមមានគូជម្លោះក្នុងកងទ័ពកូរ៉េខាងជើង ប្រឆាំងលោក គឹម ជុងអ៊ុន កាលពីឆ្នាំមុន។ «វាអាចដឹងថាលោកស្រី រី មិនបង្ហាញមុខជាសាធារណៈ ព្រោះលោកស្រីត្រូវបានការពារយ៉ាងតឹងរឹងបំផុត»។