ប្លន់ទៀតហើយ...រឿងប្លន់ដ៏ចម្លែកនេះមិនទាន់ជឿនៅឡើយទេ
រាជធានីភ្នំពេញ ៖ ប្រធានក្រុមហ៊ុនដឹកជញ្ជូនប៉ាស៊ីហ្វិច រាយការណ៍ប្រាប់សមត្ថកិច្ចថា ត្រូវជនមិនស្គាល់មុខមួយក្រុមចាប់រុញចូលក្នុងរថយន្ត ហើយបិទមុខជិតប្លន់យកប្រាក់ និងគ្រឿងអលង្ការអស់ពីខ្លួន មានតម្លៃប្រមាណជាង ៣ម៉ឺនដុល្លារ និងឱ្យផ្តិតមេដៃធ្វើជាលក់រថយន្តម៉ាកឡិចស៊ីស RX 330 មួយគ្រឿងទៀត រួចដឹកយកទៅទំលាក់ចោល ។
ហេតុការណ៍នេះបង្កឱ្យមានការភ្ញាក់ផ្អើលកាលពីម៉ោង៥និង១៥នាទីល្ងាចថ្ងៃទី១១ តុលា នៅខាងជើងរង្វង់មូលកាំកូស៊ីធី ក្នុងភូមិទួលគោក សង្កាត់ទួលសង្កែ ខណ្ឌឫស្សីកែវ ខណៈពេលដែលជនដៃដល់បណ្តេញឱ្យចុះពីរថយន្ត ។ ទោះបីជាយ៉ាងណា សមត្ថកិច្ចនៅមិនទាន់ជឿរឿងបែបនេះទាំងស្រុងទេ ដោយមានការសង្ស័យថា ប្រហែលជាគាត់លង់ខ្លួននឹងល្បែង ហើយប្រឌិតរឿងនេះឡើង តែមិនមានប្រភពផ្លូវការណាមួយបំភ្លឺឱ្យច្បាស់លាស់ជាងនេះទេ ។ ជនរងគ្រោះដែលអះអាងថា ត្រូវចោរប្លន់នោះឈ្មោះ សៀង សុខន ភេទប្រុស អាយុ៤២ឆ្នាំ ជាប្រធានក្រុមហ៊ុនដឹកជញ្ជូនប៉ាស៊ីហ្វិច មានទីលំនៅក្នុងសង្កាត់កាកាប ខណ្ឌពោធិ៍សែនជ័យ ។
ប្រធានក្រុមហ៊ុនដឹកជញ្ជូនរូបនោះបាននិយាយប្រាប់សមត្ថកិច្ចថា ត្រូវបានជនមិនស្គាល់មុខចំនួន ៤នាក់ ជិះរថយន្តហ្វដ ពណ៌ខ្មៅមួយគ្រឿង ធ្វើសកម្មភាពចាប់ក្រៀកចូលរថយន្ត ខណៈពេលដែលគាត់ចេញពីផឹកកាហ្វេ នៅហាង JOMA នៅតាមបណ្តោយផ្លូវលេខ៣៣៧ ក្នុងសង្កាត់បឹងកក់ទី១ ខណ្ឌទួលគោក ។
តាមព័ត៌មានឱ្យដឹងទៀតថា នៅវេលាម៉ោងប្រមាណ១២ថ្ងៃត្រង់ទី១១ តុលា ប្រធានក្រុមហ៊ុនរូបនោះ បានជិះរថយន្តម៉ាកឡិចស៊ីស RX 330 ពណ៌ស មានស្លាកលេខភ្នំពេញ២AJ.១២៣៩ មួយគ្រឿង តែម្នាក់ឯងមកផឹកកាហ្វេនៅចំណុចខាងលើ ។ លុះដល់វេលាម៉ោងប្រមាណ២រសៀលពេលដែលចេញពីហាង ស្រាប់តែមានជនសង្ស័យ២នាក់ បានចាប់ក្រៀកគាត់ចូលក្នុងរថយន្តម៉ាកហ្វដ ពណ៌ខ្មៅមួយគ្រឿង និងមាន២នាក់ផ្សេងទៀតចាំនៅក្នុងរថយន្ត ។ ភ្លាមនោះជនសង្ស័យម្នាក់ក៏យកសោចុះទៅបើករថយន្តរបស់ជនរងគ្រោះ បើកតាមពីក្រោយរថយន្តហ្វដដែលចាប់ម្ចាស់ទៅនោះ ។
ជនរងគ្រោះបានប្រាប់កោះសន្តិភាពឱ្យដឹងថា គាត់ត្រូវជនសង្ស័យចាប់ចងមុខ ហើយដោះយកនាឡិកាម៉ាករ៉ូឡិច ដាំពេជ្រដែលមានតម្លៃប្រមាណ២៥០០០ដុល្លារ ទូរស័ព្ទចំនួន២គ្រឿង និងប្រាក់ចំនួន៧០០០ដុល្លារ ដែលសរុបប្រមាណជាង៣ម៉ឺនដុល្លារ ហើយបានគំរាមឱ្យផ្តិតមេដៃធ្វើជាទិញលក់រថយន្តម៉ាកឡិចស៊ីសមួយគ្រឿងឱ្យទៅពួកគេទៀតផង ។
តាមព័ត៌មានបានឱ្យដឹងទៀតថា ជនរងគ្រោះពុំបានដឹងថា ជនទាំងនោះដឹកគាត់ទៅកន្លែងណាខ្លះនោះទេ ស្រាប់តែនៅវេលាម៉ោងប្រមាណជាង៥ល្ងាច ឱ្យគាត់ចុះពីលើរថយន្តនៅក្បែររង្វង់មូលកាំកូស៊ីធី ក៏មានការភ្ញាក់ផ្អើលហើយសមត្ថកិច្ចក៏បានចុះទៅដល់កន្លែងកើតហេតុ និងនាំទៅសាកសួរនៅខណ្ឌទួលគោកតែម្តង ។
តាមការសន្និដ្ឋានរបស់សមត្ថកិច្ចមានដាក់ការសង្ស័យថាជារឿងប្រឌិត ព្រោះនៅក្នុងសកម្មភាពចាប់ចងមុខដាក់ក្នុងរថយន្តនេះ ជនដៃដល់ក៏បានឱ្យជនរងគ្រោះទូរស័ព្ទប្រាប់ប្អូន ឱ្យយកប័ណ្ណសំគាល់យានយន្តមកឱ្យ និងបានឱ្យផ្តិទមេដៃលក់រថយន្តនោះជាមួយផងដែរ។ ទោះបីជាយ៉ាងណា សមត្ថកិច្ចនគរបាលខណ្ឌទួលគោកកំពុងតែធ្វើការស្រាវជ្រាវ ជុំវិញហេតុការណ៍ប្លន់គួរឱ្យភ្ញាក់ផ្អើលនេះថា តើវាបានកើតឡើងដោយរបៀបណា ? តើមានបង្កប់ដោយអាថ៍កំបាំងអ្វីខ្លះ បានជាកើតចេញនូវរឿងដែលមិនគួរកើត ពិបាកឱ្យជឿតាមនោះ ? ចាំមើលទៀតតើរឿងនេះវានឹងទៅជាយ៉ាងណា ?
ប្រភព៖ កោះសន្តិភាព
ហេតុការណ៍នេះបង្កឱ្យមានការភ្ញាក់ផ្អើលកាលពីម៉ោង៥និង១៥នាទីល្ងាចថ្ងៃទី១១ តុលា នៅខាងជើងរង្វង់មូលកាំកូស៊ីធី ក្នុងភូមិទួលគោក សង្កាត់ទួលសង្កែ ខណ្ឌឫស្សីកែវ ខណៈពេលដែលជនដៃដល់បណ្តេញឱ្យចុះពីរថយន្ត ។ ទោះបីជាយ៉ាងណា សមត្ថកិច្ចនៅមិនទាន់ជឿរឿងបែបនេះទាំងស្រុងទេ ដោយមានការសង្ស័យថា ប្រហែលជាគាត់លង់ខ្លួននឹងល្បែង ហើយប្រឌិតរឿងនេះឡើង តែមិនមានប្រភពផ្លូវការណាមួយបំភ្លឺឱ្យច្បាស់លាស់ជាងនេះទេ ។ ជនរងគ្រោះដែលអះអាងថា ត្រូវចោរប្លន់នោះឈ្មោះ សៀង សុខន ភេទប្រុស អាយុ៤២ឆ្នាំ ជាប្រធានក្រុមហ៊ុនដឹកជញ្ជូនប៉ាស៊ីហ្វិច មានទីលំនៅក្នុងសង្កាត់កាកាប ខណ្ឌពោធិ៍សែនជ័យ ។
ប្រធានក្រុមហ៊ុនដឹកជញ្ជូនរូបនោះបាននិយាយប្រាប់សមត្ថកិច្ចថា ត្រូវបានជនមិនស្គាល់មុខចំនួន ៤នាក់ ជិះរថយន្តហ្វដ ពណ៌ខ្មៅមួយគ្រឿង ធ្វើសកម្មភាពចាប់ក្រៀកចូលរថយន្ត ខណៈពេលដែលគាត់ចេញពីផឹកកាហ្វេ នៅហាង JOMA នៅតាមបណ្តោយផ្លូវលេខ៣៣៧ ក្នុងសង្កាត់បឹងកក់ទី១ ខណ្ឌទួលគោក ។
តាមព័ត៌មានឱ្យដឹងទៀតថា នៅវេលាម៉ោងប្រមាណ១២ថ្ងៃត្រង់ទី១១ តុលា ប្រធានក្រុមហ៊ុនរូបនោះ បានជិះរថយន្តម៉ាកឡិចស៊ីស RX 330 ពណ៌ស មានស្លាកលេខភ្នំពេញ២AJ.១២៣៩ មួយគ្រឿង តែម្នាក់ឯងមកផឹកកាហ្វេនៅចំណុចខាងលើ ។ លុះដល់វេលាម៉ោងប្រមាណ២រសៀលពេលដែលចេញពីហាង ស្រាប់តែមានជនសង្ស័យ២នាក់ បានចាប់ក្រៀកគាត់ចូលក្នុងរថយន្តម៉ាកហ្វដ ពណ៌ខ្មៅមួយគ្រឿង និងមាន២នាក់ផ្សេងទៀតចាំនៅក្នុងរថយន្ត ។ ភ្លាមនោះជនសង្ស័យម្នាក់ក៏យកសោចុះទៅបើករថយន្តរបស់ជនរងគ្រោះ បើកតាមពីក្រោយរថយន្តហ្វដដែលចាប់ម្ចាស់ទៅនោះ ។
ជនរងគ្រោះបានប្រាប់កោះសន្តិភាពឱ្យដឹងថា គាត់ត្រូវជនសង្ស័យចាប់ចងមុខ ហើយដោះយកនាឡិកាម៉ាករ៉ូឡិច ដាំពេជ្រដែលមានតម្លៃប្រមាណ២៥០០០ដុល្លារ ទូរស័ព្ទចំនួន២គ្រឿង និងប្រាក់ចំនួន៧០០០ដុល្លារ ដែលសរុបប្រមាណជាង៣ម៉ឺនដុល្លារ ហើយបានគំរាមឱ្យផ្តិតមេដៃធ្វើជាទិញលក់រថយន្តម៉ាកឡិចស៊ីសមួយគ្រឿងឱ្យទៅពួកគេទៀតផង ។
តាមព័ត៌មានបានឱ្យដឹងទៀតថា ជនរងគ្រោះពុំបានដឹងថា ជនទាំងនោះដឹកគាត់ទៅកន្លែងណាខ្លះនោះទេ ស្រាប់តែនៅវេលាម៉ោងប្រមាណជាង៥ល្ងាច ឱ្យគាត់ចុះពីលើរថយន្តនៅក្បែររង្វង់មូលកាំកូស៊ីធី ក៏មានការភ្ញាក់ផ្អើលហើយសមត្ថកិច្ចក៏បានចុះទៅដល់កន្លែងកើតហេតុ និងនាំទៅសាកសួរនៅខណ្ឌទួលគោកតែម្តង ។
តាមការសន្និដ្ឋានរបស់សមត្ថកិច្ចមានដាក់ការសង្ស័យថាជារឿងប្រឌិត ព្រោះនៅក្នុងសកម្មភាពចាប់ចងមុខដាក់ក្នុងរថយន្តនេះ ជនដៃដល់ក៏បានឱ្យជនរងគ្រោះទូរស័ព្ទប្រាប់ប្អូន ឱ្យយកប័ណ្ណសំគាល់យានយន្តមកឱ្យ និងបានឱ្យផ្តិទមេដៃលក់រថយន្តនោះជាមួយផងដែរ។ ទោះបីជាយ៉ាងណា សមត្ថកិច្ចនគរបាលខណ្ឌទួលគោកកំពុងតែធ្វើការស្រាវជ្រាវ ជុំវិញហេតុការណ៍ប្លន់គួរឱ្យភ្ញាក់ផ្អើលនេះថា តើវាបានកើតឡើងដោយរបៀបណា ? តើមានបង្កប់ដោយអាថ៍កំបាំងអ្វីខ្លះ បានជាកើតចេញនូវរឿងដែលមិនគួរកើត ពិបាកឱ្យជឿតាមនោះ ? ចាំមើលទៀតតើរឿងនេះវានឹងទៅជាយ៉ាងណា ?
ប្លន់ទៀតហើយ...រឿងប្លន់ដ៏ចម្លែកនេះមិនទាន់ជឿនៅឡើយទេ
Reviewed by Unknown
on
October 12, 2016
Rating:
Reviewed by Unknown
on
October 12, 2016
Rating:
No comments: